Muaj Nqis

Txhua tus tib neeg nyob rau hauv peb lub xeev tsim nyog tau:

• Cua sov fais fab siv yam tso siab lug nrog rau tus nqi nyob tus yees rau qhov uas peb yuav them taus. • Siv cua sov fais fab kom nyab xeeb lug tsis muaj cov cua phem rau hauv tsev.

• Huv, fais fab tsim tawm hauv sab nruab nrab qaum teb no uas siv Minnesota lub tswv yim los mus cais tawm cov cua phem thiab nrau cov huab cua hloov.

• Kev txiav txim kom sawv daws nrog paub nrog hnov, siv tau, thiab ncaj ncees, kom txhua tus neeg nyob rau hauv Minnesota thiaj li muaj lub suab thiab pom lawv tus kheej nyob nrog peb lub zeem muag rau yav pem suab kom tsuas muaj cua sov fais fab siv huv si.

• Siv rau niaj hnub nimno, tawm tswv yim tshiab thiab txawv npaj rau kev siv fais fab thiab tsim kom tau cov tsev thiab kev siv kom ruaj kho uas yuav muab cov pej xeem uas yuav yog cov los siv no tso rau pej hauv ntej thiab cov pej xeem nyob rau hauv Minnesota no uas ib txwm raug tso tseg yav nram ntej.

Qhov Teeb Meem

Tam sim no, cov ntau ntawm cov tsev nyob rau hauv Minnesota thiab cov tsev loj siv tib co cua nkev uas xa lwm lub teb chaws tuaj uas muaj qhov dim cov pa carbon uas yog pa tsis zoo rau peb lub duag cev thiab rau peb tej huab cua.

Qhov Yuav Los Kho Tau

Lub ntiaj teb no txav deb zuj zus tawm ntawm txoj kev siv roj siv nthee uas ua tau rau peb tej huab cua hloov, thiab xwj seb txoj kev siv no puas yog ib qho zoo tswv yim rau peb niaj hnub siv li no ua ntu zus tej cua nkev uas peb siv rau hauv peb tej vaj tej tse, chaw ua lag ua luam, thiab chaw ua haujlwm. Peb lub xeev no yog ib lub hauv paus loj tsim cua sov fais fab siv huv si thiab tawm tswv yim tshiab. Yeeb vim li no tos cov pej xeem nyob rau hauv Minnesota los ua ke zuj zus, saib xyuas kom peb sawv daws tsuas tau qhov zoo xwb thaum peb txav deb zuj zus ntawm txoj kev siv cua nkev mus siv tej yam kom nyab xeeb, them taus, cua sov fais fab huv – txawm peb yuav yog haiv neeg twg, peb yuav muaj nyiaj npaum cas hauv thab nas khas, los sis peb nyob rau qhov twg.

Txoj Kev Ua

Sawv daws sib koom tes, peb tab tom tsim kom tau ib lub Minnesota uas yog qhov chaw sawv daws taws tau cua sov, ua noj, thiab taws tau lawv cov khoom siv rau hauv vaj hauv tsev xws li qhov cub taub yees nrog cov cua sov fais fab huv si thiab pheej yig tsim tawm los ntawm sab nruab nrab qaum teb. Peb sawv daws los sib koom tsim kom tau lub zeem muag uas loj thiab dav kom caum cuag txhua txhua haiv neeg, tag nhro lub xeev no txoj kev koom tes los ntawm cov pej xeem nyob rau hauv Minnesota.

• Los mus nres kom txhob muaj tau cov cua phem nyob rau hauv peb cov vaj cov tsev thiab chaw ua haujlwm, hloov peb txoj kev siv uas yuav dim cov pa tsis zoo los mus hloov tau peb tej huab cua, thiab los mus xaus peb txoj kev siv roj siv nthee.

• Txav mus kom ze ncaj nruab nrab rau txoj kev tshiab li niaj hnub nimno, siv tau huv si, thiab cua sov fais fab kom them taus thiab kev siv kom ruaj kho, thiab hloov tawm ntawm txoj kev qub uas peb ib txwm siv – thiab tsis tas li ntawd kom tus nqi uas nceeb sawv daws thiab cov nqi lag luam uas muaj nce muaj poob tas li kom nrog lawv mus tag nhro tib si.

• Tsa cov pej xeem uas nyob rau hauv Minnesota no txoj kev cia siab, kev txhawj xeeb, thiab dab neeg, tshwj xeeb tshaj plaws yog cov pej xeem nyob rau hauv Minnesota uas nyob rau cov zej zog poob qab tsis muaj kev pab cuag ncua.