Cua Sov Huv Minnesota Kev Sib Tw Qhia Tag Nhro Lub Koos Haum Koom Siab Daim Ntawv Tso Npe Kab No Yog xav paub ntxiv los sis yog xav mus koom sib tw nrog, thov xa ntawv hauv email rau info@cleanheatmn.org Lub hom phiaj ntawm txoj kev sib tw no yog los mus tsim thiab kom pom ib txoj kev ncaj ncees, lub zeem muag uas xav ntsoov txog cov pej xeem kom tau ib lub Minnesota uas muaj cua sov thiab kev ua noj kom huv, pheej yig them taus, thiab nyab xeeb rau sawv daws.

Qhia Me Ntsis Keeb Kwm

Cov pa uas dim tawm los thaum siv roj siv nthee nkev rau cov tsev loj thiab cov chaw ua haujlwm loj yog qhov uas ntau tshaj plaws nyob rau hauv Minnesota cov pa phem uas dim tawm mus rau saum ntuj – yog li no lub xeev no thiaj li caum tsis cuag peb cov hom phiaj huab cua yog hais tias peb tsis los mus kho qhov teeb meem ntawm txoj kev siv roj siv nthee rau hauv tsev. Peb yeej sib sib zog ua li peb ua tau lawm los mus pab txo cov pa phem uas dim mus rau saum ntuj no hais txog kev siv fais fab thiab rau sab tsav tsheb, tab sis txoj kev peb siv cua nkev no yeej tseem poob rau qhov uas tsawg kawg kiag peb tsis tau xav txog. Cov tuam txhab cua nkev no ua ob npaug haujlwm, niaj hnub txhawm zias nyiaj txog pav pav laab nyiaj duas las mus kho lawv tej tuam txhab vaj tse thiab kev siv kom ruaj kho kav mus kom ntev.

Minnesota yuav tsum ua tam sim no los mus kho huab cua hloov thiab kom them taus thiab muaj kev ncaj ncees rau peb cov cua sov fais fab yuav siv rau yav pem suab. Nqi tau nce siab siab tsis ntev los no, lub xeev sawv los teev ib co kev cai tshiab, thiab muaj xwm txheej huab cua phom sij heev ua tau rau peb pom hais tias peb yuav tsum hloov peb txoj kev siv cua sov fais fab sai li sai tau. Cov teeb meem no yuav kawj tau loj heev los mus raug rau peb cov huab cua, peb kev noj qab nyob zoo thiab peb cov haujlwm.

Yog hais tias peb tsis ua dab tsi li, Minnesota yuav tsis caum cuag peb cov hom phiaj huab cua, thiab yuav ua tau rau tib neeg lub nra nyhav kom them tsis taus nqi dej nqi taws siab siab. Lub xeev tab tom pib tsim kom tau ib co kev cai kom siv tau dav dav thiab sib tham nrog pej xeem hais txog txoj haujlwm uas siv roj siv nthee siv cov cua nkev no rau hauv peb tej vaj tse. Tshwj xeeb tshaj plaws, yog cov caij nyoog uas tseem ceeb heev rau pej xeem tuaj tawm suab tawm lus thiab kev cai uas yog tuaj nrog lawv txuas lus sib tham rau ntawm cov txhaj txheem yuav los tom ntej no hauv Minnesota Lub Koos Haum Saib Xyuas Pej Xeem Kev Siv Dej Siv Taws (PUC) hais txog lub neej yav pem suab ntawm cov cua nkev no. Lub PUC twb pib sawv tsees ua qhov uas lawv yuav teb rau ntawm nqi roj nce siab siab thiab nqi roj pheej nce thiab poob heev heev, lawv tab tom txais tos pej xeem cov tswv yim thiab kev xav hais txog ntawm roj hauv Minnesota lub neej yav pem suab. Peb yuav tsum siv lub sijhawm no thiab tsim kom tau ib co kev cai tshiab uas yuav ntaus thawj hlo ib txoj kev ncaj ncees thiab nyob nruab nrab thaum peb hloov tawm ntawm txoj kev siv roj siv nthee siv cua nkev no.

Txoj Kev Sib Tw Uas Muaj Pej Xeem-Tso Rau Nruab Nrab

Peb tab tom tsim kom tau txoj kev sib tw uas muaj pej xeem-tso rau nruab nrab kom txiav tawm tau cov pa phem uas dim mus rau saum ntuj los ntawm txoj kev siv roj siv nthee siv cua nkev rau hauv peb tej vaj tej tse. Txoj kev sib tw no lub hom phiaj ces xav kom thaum txog xyoo 2050 peb tsis txhob siv cov cua nkev no rau hauv peb tej vaj tej tse lawm, kom raws nraim li Minnesota lub hom phiaj tau teev tseg kom txhob muaj cov pa phem no dim mus rau saum ntuj ntxiv li lawm thaum txog xyoo ntawd.

Qhov kev koom tes sib tw no yuav rub los ua ke:
•  Ib txoj kev cog lus tiv thaiv peb cov neeg uas siv kom peb saib xyuas tau hais tias cov neeg them nyiaj tuaj – tshwj xeeb tshaj plaws kom cov neeg ua tau nyiaj tsawg- thiab tau nyiaj li nruab nrab ntawd hauv lub zej zog, cov uas ib txwm poob qab zog, thiab cov pej xeem uas twb tau ntsib kev txom nyem los ntawm cov kev siv roj siv nthee siv cua nkev no – kom lawv tsis txhob yog cov uas yuav raug los them tej nqi uas yuav raug no thaum peb hloov tawm ntawm txoj kev siv cov cua nkev no, tab sis kom lawv tsuas yog cov uas txais qhov zoo xwb; thiab
• Taug txoj hauv kev uas muaj kev ncaj ncees tso rau nruab nrab thiab kom thaum sau pej xeem los mus es sau tau cov uas raug cov teeb meem no dua los lawm, siv cov tswv yim uas txo tau kev sib cais, thiab thaum txog caij nyoog txiav txim loj lawm kom sau tau sawv daws tuaj txiav txim ua ke.
Lub Koos Haum Koom Siab Cov Lus Los Mus Coj Sawv Daws: Sawv Daws cov uas tuaj mus koom tes nrog txoj kev sib tw no yuav tsum cog lus koom siab tiag tiag rau txoj haujlwm no raws li tau teev tseg rau hauv no. Tsis thas tag nrho peb cov neeg yuav tsum hais tib los lus tib lus suab thiab tib lub tswv yim xwb hais txog ntawm tswv yim thiab kev cai. Tab sis mas, txawm leej twg yuav ua haujlwm dab tsi sab nraud thiab nyias yuav muaj nyuaj txoj kev coj thiab tswv yim.
• Tus neeg thiab cov pab pawg yuav tsum sib tham tau yam sib saib taus sawv daws txawm nyias yuav muaj nyias txoj kev xav.
• Tsis muaj ib tug neeg twg los sis pab pawg twg yuav tawm tsam tau txoj kev sib tw no cov hom phiaj.
• Cov pab pawg no yuav tsum hwm txoj kev coj sawv daws los ua ke no Jemez
Sign up here to receive updates.
Join Us